सिरहा । सिरहा नगरपालिकाका नगर प्रमुखविरुद्धको आन्दोलन स्थगित भएको छ । आन्दोलनका कारण नागरिकले असहजता भोग्नुपरेको भन्दै आन्दोलनरत पक्षले आन्दोलन स्थगित गरेका हुन् । नगर प्रमुख डा. नवीनकुमार यादवले स्वास्थ्य शाखामा कार्यरत कर्मचारी रामशरण यादवमाथि कुटपिट गरेको आरोप लगाउँदै कर्मचारीहरू आन्दोलित भएका थिए । आन्दोलनका कारण नगरपालिकाले दिँदै आएको सेवा प्रभावित बनेको थियो । आन्दोलनरत पक्षलाई सिराहाका प्रमुख जिल्ला अधिकारीले आन्दोलन स्थगित गरेर काममा फर्कन निर्देशन दिएका थिए ।
सिरहा कुटपिट प्रकरण : मेयर नवीनकुमार यादवविरुद्ध पक्राउ पुर्जी जारी
आन्दोलनरत पक्षले जिल्लाको शान्ति सुरक्षाको अवस्थालाई मध्यनजर गर्दै आजदेखि आन्दोलनका सबै कार्यक्रमहरू तत्कालका लागि स्थगित गरेको हो ।तर, आन्दोलन पूर्णरूपमा अन्त्य नभएको स्पष्ट पार्दै आन्दोलनकारीहरूले पीडित रामशरण यादवले उचित न्याय नपाएसम्म र दोषीमाथि कडा कानुनी कारबाही नभएसम्म संघर्ष जारी राख्ने बताएका छन् ।