नेपाल विधुत प्रधिकरणले पठाएको बोलपत्र स्वीकृत गर्दै बंगलादेश पावर डेभलपमेन्ट बोर्ड (बीपीडीबी) ले नेपालमा उत्पादित ४० मेगावाट विधुत् खरिद,बिक्रीका लागि सम्द्मौता गर्न पत्र पठाएको छ । बीपीडीबीले वर्षायामका ६ महिना ४० मेगावाट विधुत् बिक्रीका लागि प्रधिकरणले पेश गरेको बोलपत्र सम्बन्धित निकायबाट स्वीकृत भएको जानकारी गराउँदै सोमबार पत्र पठाएको हो । कानुनमा भएको व्यवस्थाबमोजिम बीपीडीबी १६ पुस २०८० मा नेपालबाट उत्पादित ४० मेगावाट विधुत् बंगलादेश, भारत र नेपालका निकायहरुबीचको त्रिपक्षीय सम्द्मौताअनुसार हुनेगरी पाँच वर्षसम्म खरदिका लागि टेन्डर आह्वान गरेको थियो । प्रधिकरणले विधुत् बिक्रीका लागि तोकिएको ढाँचामा बिक्री गरिने विधुत्को दरसहितको बोलपत्रसम्बन्धित कागजात पेस गरेको थियो । पेश गरिएका बोलपत्रसम्बन्धी कागजात मूल्यांकन गरी त्यसलाई सम्बन्धित निकायबाट स्वीकृत भएको आशयको सूचना प्रधिकरणलाई दिएको हो । प्रधिकरणले ७ कार्य दिनभित्र बोलपत्र स्वीकार गरेको लिखित सूचना बीपिडीबीलाई दिनु पर्नेछ । त्यसपछि बिपिडीबीले विधुत् बिक्री सम्द्मौताको मस्यौदा प्राधिकरणलाई उपलब्ध गराउने छ । मस्यौदा प्राप्त भएको २८ दिनभित्र प्रधिकरण, एनटीपीसी विधुत व्यापार निगम, भारत र बीपीडीबीबीच त्रिपक्षीय सम्द्मौता हुनेछ । प्रधिकरणका कार्यकारी निर्देशक कुलमान घिसिङले बाँकी रहेका सम्पुर्ण प्रक्रिया पूरा गरी यही वर्षायामबाट बंगलादेश विधुत् निर्यात गर्ने गरी काम सुरु गरिसकिएको बताए । प्रधिकरणले भारतिय अनुदानमा निर्माण भएको तथा आफ्नो स्वामित्वमा रहेको २५ मेगावाटको त्रिशूली र सहायक कम्पनीमार्फत निर्माण गरिएको २२ मेगावाटको चिलेमे जलविधुत आयोजनहरुबाट उत्पादित विधुत बंगलादेश निर्यात गर्ने तयारी गरेको छ । यी दुवै भारतमा विधुत निर्यातका लागि स्वीकृति पाइसकेका आयोजनाहरु हुन् । प्रधिकरणले वर्षायमका ६ महिनामा अर्थात हरेक वर्षको १५ जुन नोभेम्बरसम्म पाँच वर्ष ४० मेगावाट विधुत् अमेरिकी डलरमा बंगलादेशलाई बिक्री गर्नेछ । प्रधिकरणले बंगलादेश विधुत बिक्री गरी प्रति युनिट ६.४० अमेरिकी सेन्ट पाउने छ । नेपाल र भारतबीचको पहिलो अन्तरदेशीय ढल्केबर, मुजफ्फपुर ४०० केभी प्रसारण लाइन हुँदै बंगलादेश निर्यात हुने विधुत्को मूल्य प्रधिकरणले भारतको मुजफ्फरपुर विन्दुमा पाउने छ ।