काठमाडौं । नेपाली कांग्रेसले १५औं महाधिवेशनका लागि केन्द्रीय निर्वाचन समिति गठन गरेको छ । बुधबार सम्पन्न केन्द्रीय कार्यसमिति बैठकले वरिष्ठ अधिवक्ता प्रेमबहादुर खड्काको संयोजकत्वमा समिति गठन गरेको हो । महामन्त्री प्रदीप पौडेलले वरिष्ठ अधिवक्ता खड्काको संयोजकत्वमा केन्द्रीय निर्वाचन समिति गठन गर्ने निर्णय गरिएको जानकारी दिए । उनी कांग्रेसका केन्द्रीय सदस्य पनि हुन् । खड्का नेपाल बार एसोसिएसनका अध्यक्ष भइसकेका छन् ।