वीरगञ्ज । खेलकुद तथा समाज कल्याण मन्त्रालय, मधेश प्रदेश सरकारद्वारा आयोजित अन्तर प्रदेश राष्ट्रिय कुश्ती प्रतियोगितामा मधेश प्रदेशका खेलाडी सुजीत यादवले प्रथम स्थान हासिल गर्दै प्रदेशको गौरव बढाएका छन्। प्रतियोगितामा उत्कृष्ट प्रदर्शन गर्दै सुजीत यादवले आफ्नो खेल कौशलका माध्यमबाट निर्णायक विजय प्राप्त गरेका हुन्। यस उपलब्धिसँगै उनले मधेश प्रदेशलाई राष्ट्रिय स्तरमा प्रतिनिधित्व गर्दै पहिलो स्थानमा पुर्याएका छन्। सुजीतको सफलताले प्रदेशमा कुश्ती खेलप्रति युवाहरूको आकर्षण बढाउने विश्वास लिइएको छ। स्थानीय स्तरमा उनको विजयलाई उच्च सम्मानका साथ हेरिएको छ भने खेलकुद मन्त्रालयले पनि यस्ता प्रतियोगितालाई आगामी दिनमा अझ व्यवस्थित र प्रभावकारी रूपमा सञ्चालन गर्ने प्रतिवद्धता जनाएको छ। खेलकुद क्षेत्रमै अग्रणी प्रतिभाका रूपमा उदाएका सुजीत यादवलाई बधाई तथा उज्ज्वल भविष्यको कामना गरिएको छ।